20 қараша күні алғаш рет ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиадасы бастау алды.

20 қарашада Қазақстан Республикасы Оқу-ағарту министрі Бейсембаев Ғани Бектайұлының тікелей тапсырмасы бойынша алғаш рет ауыл мектептерінің оқушыларына арналған жалпы білім беретін пәндер бойынша республикалық олимпиаданың бірінші кезеңі басталды.

Олимпиаданың мақсаты — ауылдық жерлердегі мектеп оқушыларының дарыны мен қабілеттерін анықтау және оларға қолдау білдіру, неғұрлым академиялық қабілетті оқушыларды табу, олардың зияткерлік дамуы мен кәсіби бағдарлануына жағдай жасау.

Олимпиада 13 пән бойынша (жаратылыстану–математикалық бағыттағы 6 пән бойынша, қоғамдық-гуманитарлық бағыттағы 7 пән бойынша) өткізіледі және 3 кезеңнен тұрады. 

 Олимпиада «бір компьютер – бір оқушы – бір камера» қағидаты бойынша өткізіледі. 

Бүгін мектебімізде олимпиаданың салтанатты ашылу рәсімі өтті. Олимпиаданың ашылу салтанатына кентіміздің әкімі Сасенов Ержан Аманбаевич қатысып, оқушыларға сәттілік тіледі.

Бастапқы кезеңге қатысу үшін мектебіміздің 9-11 сыныбынан 19 оқушы ниет білдіріп, аuyl.daryn.kz сайтында тіркелді.