09
апрель
2017
"Тәуелсіздікке тағзым" тақырыбындағы мұз қалашығы
Тақырыбы: "Тәуелсіздікке тағзым" тақырыбындағы мұз қалашығы
Тәрбие жұмыстарын одан әрі дамыту аясында, жыл сайын оқу ордасында қардан жасалған мүсіндер байқауы дәстүрге арналған. Аталған байқауда қатысушылар өзінің шығармашылық қиялын қармен мүсіндеп көрсетті. Қардан, мұздан жасалған әртүрлі мүсіндер әр адамды әдемі қиялға, ғажайып бір ертегі әлеміне көз шалғандай әсер етеді. Қар қалашығында 26 мүсін, сырғанақ, корт, лабиринт жасалған. Қар қалашығын жасауға ата-аналар, оқушылар, дене шынықтыру, технология пән мұғалімдері ат салысты.
Мұз қалашығы оқушыларымыздың бойына патриоттық, отан сүйгіштік, адамгершілік қасиетін қалыптастыру. Шығармашылық ой өрісін, қиялын дамыту, салауатты өмір салтын насихаттау мақсатында салынды.
Мұз қалашығының идеясы: Жаңа жылдың басты символы Аяз ата мен Ақша қар өзінің 12 жыл басымен бірге мұз қалашығының төрінен орын алды. 12 жыл басының ортасында әр жылдың уақытын көрсететін сағат бейнеленген. Жанында ата-аналар мен оқушылардың қиялынан шыққан ертегі кейіпкерлері.
Жаңа қораз жылында еліміздің іргесі берік, тәуелсіздігіміз
тұғырлы,егемендігіміз ғұмырлы, ана тіліміз аяулы, еркіндігіміз баянды,
еліміздің еңсесі биік ұрпағымыздың болашағы жарқын болсын деген тілек тілейміз.
