2019 жыл 17 қаңтар

2019 жылдың 17 қаңтарында аудандық білім бөлімінің жоспарына сәйкес Бақыршық орта мектебінің базасында «Жүйелі қызмет негізінде сабаққа заманауи көзқарас» тақырыбында жас маман педагогтардың шеберлік деңгейін үздіксіз жетілдіру, оқу-тәрбие процесіне заманауи білім беру технологияларын енгізу мақсатымен практикалық семинар өткізілді. «Мамандығым- мақтанышым» атты мектеп психологтарының ұйымдастыруымен тренинг өткізумен басталған іс-шаралар жоспар бойынша ашық сабақтардың берілуімен жалғасты. Маяковский атындағы орта мектебінің математика пәні мұғалімі Лауенов Ерасыл 8-сыныпта «Мәтінді есептерді квадрат теңдеулердің көмегімен шешу», 7- сыныпта Абай атындағы мектеп балабақша кешенінің математика пәні мұғалімі Самытжан Жанат Тоқтарбековна «Қысқаша көбейту формулалары» тақырыбында сабақ өткізсе, «Бір айнымалысы бар сызықтық теңдеулерді шешу» 6- сыныпта Маяковский атындағы орта мектебінің математика мұғалімі Бейісхан Әділ, 5-сыныпта Абай атындағы көпсалалы мектеп-гимназия мұғалімі Қизатолла Серікбек «Жай бөлшектерге амалдар қолдану» атты ашық сабақтар көрсетті. Бақыршық орта мектебінің математика пәні мұғалімдері Валиулина Бақытжан Алмабековна мен Магзумова Айгуль Айткаалиевна «Математика әлемі» атты сыныптан тыс сабақ берді. Шеберлік сыныптарын «ҰБТ есептерін жеңіл жолдармен шешу» тақырыбымен жас мамандарға озық тәжірибесімен бөліссе, Абай атындағы көпсалалы мектеп-гимназияның математика пәні мұғалімі Оразақынұлы Нұрсейіт әріптестеріне математика пәні бойынша «Бағалауға арналған тапсырмаларады әзірлеу және сараптау» тақырыбында шеберлік сыныбын өткізді.